Dadansoddiad papurau newydd Cymru a Phrydain dros adeg y Gemau’r Olympaidd a’I berthynas a hunaniaeh genedlaethol

Abstract

Pwrpas yr astudiaeth i’w i geisio datgelu dyfnder mewn trafodaeth ynglŷn â’r berthynas rhwng Cymru a Phrydain ;wladwriaeth genedlaethol a chenedl heb wladwriaeth. Mae’r astudiaeth yma yn canolbwyntio ar sylw a rhoddir i’r gemau’r Olympaidd dros dri phapur newydd Cymraeg, sef Y Cymro, The Western Mail a’r South Wales Echo wrth gymharu â chyferbynnu gyda’r sylw a ddarperir gan bapurau Prydeinig sef The Times of London a’r Daily Mirror. Er mwyn cyfoethogi’r astudiaeth mae defnydd o ymchwil cymdeithaseg ar godau habitus, traddodiadau a chymunedau dychmygol yn cael ei ddefnyddio i gyfiawnhau’r berthynas rhwng hunaniaeth genedlaethol a chwaraeon. Y mae hyn yn cael ei wneud gan ddefnyddio dull meintiol fel cyflwyniad i’r drafodaeth ar ddull ansoddol er mwyn dadansoddi cynnwys y papurau newydd dros gyfnod y Gemau’r Olympaidd 2012. Mae’r canlyniadau yn amlygu pwysigrwydd y cyfryngau er mwyn hybu ymdeimlad o hunaniaeth genedlaethol yng Nghymru ac ym Mhrydain. Gwelwyd y pwysigrwydd hwn yn y themâu a chodwyd trwy gydol y dadansoddi. Gan ddefnyddio enghreifftiau o’r papurau newydd er mwyn atgyfnerthu’r drafodaeth yr oedd tri phrif thema a chodwyd yn gyson sef Prydeindod, Prydeindod a Seisnigrwydd a Chymru a’r cyfryngau. Defnyddiwyd symbolau ac arferion amleiriog megis y faner unedig, y cefnogwyr, y teulu brenhinol, cyfeiriadau hiraethus a’r defnydd o ragenwau personol er mwyn ailddatgan hunaniaeth genedlaethol berthnasol. Amlygwyd y themâu bod yna ddwy hunaniaeth genedlaethol wahanol yn cael ei harddangos dros gyfnod y Gemau’r Olympaidd sef Cymraeg a Prydeinig. Yr oedd y tri phapur Cymraeg yn darparu mwy o sylw ar athletwyr Cymru ag yn creu naws Cymraeg iawn yn ei hadrodd. Mewn cymhariaeth, yr oedd papurau newydd Prydain yn cyfleu ymdeimlad Prydeinig wrth iddo geisio hybu gwladgarwch ond eto i gyd trwy ddylanwad Saesneg yr oedd hyn yn creu ymwybyddiaeth o’r rhaniadau yn yr ymylon Celtaidd a Lloegr. Y mae’r canlyniadau yma yn creu canfyddiadau o gwmpas bodolaeth Cymru fel cenedl a’i safle a’i phwrpas o fewn Prydain wrth iddo feddu ar sylw’r cyfryngau er mwyn adeiladu hunaniaeth genedlaethol unigol, y tu hwnt i Brydain fawr.